१५ पौष २०७८, उदयपुर। प्रदेश १ का भौतिक पूर्वाधार तथा यातायात मन्त्री हिमाल कार्कीले संखुवासभाको खादबारी– बडरमी–चैनपुर जोड्ने हेवा खोलाको पक्की पुलको उद्घाटन गर्नुभएको छ । प्रदेश सरकार भौतिक पूर्वाधार मन्त्रालयबाट बिनियोजित रकमबाट निर्मित सडक मन्त्री कार्कीले उद्घाटन गर्नुभएको हो ।

बुधबार एक समारोहकाबीच मन्त्री कार्कीले रीबन काटेर पुल उद्घाटन गर्नुभएको हो । पुल उद्घाटन कार्यक्रममा सम्बोधन गर्दै कार्कीले वर्तमान सरकार विकासको पक्षमा रहेको र यसका लागि भौतिक पूर्वाधारमा केन्द्रित रहेको बताउनुभएको थियो ।