०८ कार्तिक ,उदयपुर । कटारी नगरपालिका – ६ स्थित भोर्ले जंगलबाट ५३ किलो गाँजा सहित एक जना पक्राउ परेका छन् ।पक्राउ पर्नेमा कटारी नगरपालिका – ९ सोरुमछबिसेका २० बर्षीय प्रेम परियार रहेका छन् । आज बिहान साढे ३ बजे ईलाका प्रहरी कार्यालय कटारीबाट खटिएको प्रहरी टोलीले उनलाई पक्राउ गरेको हो ।जंगलबाट बोरामा गाँजा बोकेर हिडिरहेको अबस्थामा उनलाई पक्राउ गरिएको प्रहरीले जनाएको छ । पक्राउ परेका परियारको विषयमा थप अनुसन्धान भइरहेको प्रहरीले जनाएको छ ।