२३ साउन ,काठमाडौँ ।  (एसईई)को नतिजा आज सार्वजनिक गर्ने तयारी रहेकाे बताइएको छ ।राष्ट्रिय परीक्षा बोर्डले २०७७ सालको एसईई (आन्तरिक मूल्यांकन)को  नतिजा आज प्रकाशन गर्ने तयारी भइरहेको जनाएको हो ।कोरोना भाइरस महामारीका कारण परीक्षा सञ्चालन गर्न नसकिएपछि विद्यालयहरुले नै आन्तरिक मूल्यांकन गरेर विवरण बोर्डमा पठाएका थिए । साेही  नतिजालाइ नै बोर्डले प्रमाणित गरेर प्रकाशन गर्न लागेको हो ।नतिजा सार्वजनिक भएपछि बोर्डको वेबसाइट तथा नेपाल टेलिकमको वेबसाइटबाट हेर्न सकिने छ ।